http://awenakurd.loxblog.com/ always

صنایع آلومنیوم
پیش بینی

ئاوێنه ماڵپه‌‌‌‌‌‌‌‌‌‌ری فه‌‌‌‌‌‌‌‌‌‌رهه نگ و هونه‌‌‌‌‌‌‌‌‌‌ری کوردی

google
گوگلي کوردي
NOW
اين وبلاگ را صفحه خانگي خود كنيد! ذخيره كردن صفحه! اضافه کردن اين وبلاگ به علاقه منديها! لينک RSS
Blog Categories
Follow M.Pishbini on
Google Plus Facebook Twitter Rss
Weather

 لەسەر ڕووت کازیبەی زولفت وەلابە

کە سادق بێ تولووعی ئافتابە

دڵ و دین هەرچی بوو قوربانی تۆ بوو
هەتاکەی ئیدی ئەم ناز و عیتابە؟

بڵا بەو رۆژە نیلۆفەر بسووتێ
بە مەرگی من سەری زولفت وەلابە

لە عەکسی عاریزت فرمێسکی چاوم
گوڵاوی رووتە هەم خوونابی نابە

وەرە بنوێنە خۆت، بمکووژە قوربان
بە دینێک کوشتنی عاشق سەوابە

وەرە بنواڕە بەزمی عالەمی دڵ
چ خۆش دەورێکە هۆشیاریی خەرابە

ئەگەرچی ناڵەیە هەر شەوق و زەوقە
ئەگەرچی گریەیە عەینی سەوابە

بە ناڵینی دڵی سووتاوی عاشق
هەموو هەر نەغمەیی چەنگ و روبابە

بە چاو و گەردەن و روخساری ساقی
هەموو هەر شاهید و شەمع و شەرابە

کوتم با ‌قیمەتی وەسڵت بە دڵ بێ
بە ماچێکش لە زاری خۆت رەزابە

کەچی فەرمووی: دڵت نەشکێ وەفایی
ئەوە سەودایە، زەڕڕێکیش حیسابە

rojin_pishbini-روژین پیش بینی



Writing at: 4 / 12 / 1391برچسب:شێعر کوردی,حەزرەتی وەفایی,وینه, لەسەر ڕووت کازیبەی زولفت وەلابە,Time: By: محمد پیش بینی| |


بە گوڵزاری ئیرەم قوربان!دەپرسی گەر لە ئەحواڵم
نەخۆش و سەرخۆش و مەست و خوماری چاوەکەی کاڵم
پەرێشانم،بڵاوم،تێك شکاوم،خاو و شێواوم
دەڵێی شاماری زولفی تۆم لە دووی تۆ شێت و عەبداڵم
بە نازی چاوەکەی وەک بازی،بازی دام هەتا پیر بووم
دەترسم هەر بە بازی بمکوژێ ئەو یاری منداڵم
نە داغی جەرگی خۆم زانی،نە مایەی بەرگی خوێنینم
شەهیدی دەشتی عیشقم،لالە رەنگینم،من کەڕ و لاڵم
دڵەی بێ‌هۆش و گۆشم موددەتێکە هەر دەناڵێنێ
خودا روحمێ بکەی بەو مورغی حەپسی بێ‌پەڕ و باڵم
بفەرموو یا پەرێشانم نەکا زولفت لەسەر رووی تۆ
ئەمان یا کاشیفی زوڵمەت!دەخیل ئەی شەوچرای ماڵم!
بۆ خۆت سەرمەشقی زولف و دەرسی باڵات دام و ئەز چ‌بکەم؟
نشانە و دەست‌خەتی خۆتە ئەگەر ئەلفم ئەگەر دالم
ئەمن ئوفتادە بووم تۆ خۆت بە رووحمت دەست‌گیرم بووی
پەشیمانی نە شێوەی تۆیە،ئەی خورشیدی ئیقباڵم!
ئیشارەی چاو و عیشوەی زولفەکەت بوون مورشیدی رێگام
ئەگەر دەیری موغان قیبلەم،ئەگەر زوننارە بەرماڵم
بە تیغی غەمزە ئەمن و تورکی رووی تۆ قەت مەڵێ، قوربان!
ئەگەر قیمەم بکەن هەر رۆژپەرەستم،هەر بە یەک حاڵم
ئەمن هەر تۆم دەوێ، من چم لە رووحم و چم لە دین داوە؟
بە قوربانی تەماشایێکی تۆ سەد جار سەر و ماڵم
لە تاو دەردی دڵی دێوانە خوێن دەگریەم و نازانم
نە خەستەی چاوەکەی مەستم،نە رەنجەی پەنجەکەی ئاڵم
بە مەرگی من بە رەمزێکی بڵێ بەو چاوە حاڵیم کا
ئەتۆ نازدار و بیماری ئەمن بۆچ زار و بێ‌حاڵم
کوتی بۆ کوێ دەبەی رووحت وەفایی؟دەوریان گرتی
نیزامی پەرچەم و سەربازی زولف و عەسکەری خاڵم





بــە عـــیـشــوە زولــفی لادا لـەســە عــوزار و زاری
دوگمەی کراســی ترازا ، بــزووت هــەوای بەهــاری
کە شـــەو بەیــانی بەردا گــوڵ و وەنـەوشــە بــاری
ســەودای بە عاشــقان دا باغـــی گــوڵ و هەناری
دونیایەک ئینتیزاری ، شیرین تەشی دەرێسێ !!!

"وەفایی"



Writing at: 18 / 8 / 1391برچسب:وەفایی, شێعر,,Time: By: محمد پیش بینی| |


 لەسەر ڕووت کازیبەی زولفت وەلابە

کە سادق بێ تولووعی ئافتابە
 
دڵ و دین هەرچی بوو قوربانی تۆ بوو
هەتاکەی ئیدی ئەم ناز و عیتابە؟
 
بڵا بەو رۆژە نیلۆفەر بسووتێ
بە مەرگی من سەری زولفت وەلابە
 
لە عەکسی عاریزت فرمێسکی چاوم 
گوڵاوی رووتە هەم خوونابی نابە 
 
وەرە بنوێنە خۆت، بمکووژە قوربان
بە دینێک کوشتنی عاشق سەوابە
 
وەرە بنواڕە بەزمی عالەمی دڵ
چ خۆش دەورێکە هۆشیاریی خەرابە
 
ئەگەرچی ناڵەیە هەر شەوق و زەوقە
ئەگەرچی گریەیە عەینی سەوابە
 
بە ناڵینی دڵی سووتاوی عاشق 
هەموو هەر نەغمەیی چەنگ و روبابە
 
بە چاو و گەردەن و روخساری ساقی
هەموو هەر شاهید و شەمع و شەرابە 
 
کوتم با ‌قیمەتی وەسڵت بە دڵ بێ
بە ماچێکش لە زاری خۆت رەزابە
 
کەچی فەرمووی: دڵت نەشکێ وەفایی
ئەوە سەودایە، زەڕڕێکیش حیسابە
 
 
"حەزرەتی وەفایی"


Writing at: 8 / 7 / 1391برچسب: لەسەر ڕووت کازیبەی زولفت وەلابە ,حەزرەتی وەفایی,Time: By: محمد پیش بینی| |


تابـــی سەر کوڵمت بوو کـــەوا زوڵفی بە بادا

یــا ڕۆژی ویساڵت شـەوی هیجرانی وەلادا..؟

 

خاڵی دەمتە یا مەگەسی حوققەیی شەککەر

یاخـــۆ حەبەشی زادە لـە نێو ئابـــی بەقادا..؟

 

خوێنین خگەرن تالیبی ئـــەو زادە دووعـــالەم

ئــەو جەوهەروە بۆ هیچە بە دوو عالەمی نادا

 

هەر تـــارە کەوا مەسکەنی بــارێ دڵ و روحە

سەد روحـــی بەبادا کە بە داو پەرچەمی بادا

 

بــــازاری شکا وەك دڵــــی زارم گــــوڵ و نافە

تـــاتــای سەری زوڵفی کە بەسەر عاریزیدا دا

 

ئەو زارە کەوا هەر بە تەبەسسوم هـەیە حاڵی

پیرێکە دەڵـــــێ گــــا لە بەقـــــا گـا لە فەنادا

 

حەیرەت زەدەیی نێرگس و ئەبرۆ(وەفــــــایی)

کـــافرنییە وا مەست و لـــە میحرابی دووعادا

 

شاعیری گەورەی کورد

(میرزا عبدالرحیمی سابڵاغی)

ناسراو بە

(وەفـــــــــــــــــــــایی) 

 





ئەی ئاوینەی دولبەری زارت گول زولـــــفت زەری

باهەناسەم نەتگـــــری روی خۆت بیـــنەبەم لاوە

زولفت جیی بی قەراران روت رۆژی شەو بیداران

ئەمان ئەی شای گولزاران رۆحمیک تارۆحم ماوە

بەس عومری من بەبادە روت بینە زولــــفت لادە

دل بۆیە نامـــورادە بەو شـــەوە رۆژ گیــــــــــــراوە


وه فایی

گوڵه‌گه‌نم



Writing at: 31 / 5 / 1391برچسب:ئەی ئاوینەی دولبەری زارت گول زولـــــفت زەری,شێعرکوردی,وەفایی,وینه,Time: By: محمد پیش بینی| |


به‌ چاوان غه‌مـــزه‌ و ئیــما مه‌فه‌رموو
به‌ قه‌تڵی عاشقی شه‌یدا مه‌فه‌رموو
ئه‌من کوشته‌ی جه‌مالی تۆم،عه‌زیزم
له‌ باغـــی (جنةالمــأوی)مـــه‌فه‌رموو
ئه‌تــۆ مــوو سـونبــول و ڕووئافتــــابی
له‌ حوسنی طه‌لعه‌تی له‌یلا مه‌فه‌رموو
ده‌ڵێن:فه‌رمووته‌ بمکووژی به‌ ناحه‌ق
که‌ تۆ سوڵطانی حوسنی وا مه‌فه‌رموو
دوو چاوم دوور له‌ تۆ طۆفانی خوێنه‌
له‌ مه‌وج و جۆششی ده‌ریا مه‌فه‌رموو
ده‌مت وا بێنه‌،قیبله‌م،تۆی طه‌بیبم
به‌ ته‌شریفی ده‌می عیسا مه‌فه‌رموو
من و یه‌ک له‌حظه‌ شه‌و ئارام و تاقه‌ت
له‌ دووری ماهی شه‌وئارا؟ مه‌فه‌رموو
بۆ خۆت بمکوژه‌ نه‌ک به‌و چاوه‌ مه‌سته‌
به‌ جه‌للادانی بێ په‌روا مه‌فه‌رموو
(وه‌فایی)عاشقی ئه‌ندامی تۆیه‌
شه‌هیدی قامه‌تی طوبا مه‌فه‌رموو
 

وه‌فــــــــــــــایــــی



Writing at: 8 / 2 / 1391برچسب:شێعر کوردی,حەزرەتی وەفایی,Time: By: محمد پیش بینی| |


گه‌ردشی چاوت قه‌راری عاشقی میسکین ده‌با
ساحیری چاو به‌سته‌ ئارێ دڵ ده‌کێشێ دین ده‌با

قیبله‌که‌م به‌و زاری هه‌ر وه‌ك غونچه‌ بۆیه‌ پێکه‌نی
دا بڵێن خه‌نده‌ی له‌ گوڵ دێ ئابڕۆی په‌روین ده‌با

من گوتم: گرتی حه‌به‌ش که‌عبه‌ی جه‌ماڵت ئه‌و ده‌ڵێ
کاروانی میشکه‌ بۆ شارێ گوڵ و نه‌سرین ده‌با

گه‌ر ببینێ طاقی په‌یوه‌ستی برۆت فه‌رهادی چین
رۆحی شیرینی به‌ قوربانی به‌ صه‌د ناڵین ده‌با

پێچ و تاوی زوڵفی خاو و ڕه‌مز و غه‌مزه‌ی سیحری چاو
ئه‌و له‌لایێ رۆح ده‌کێشێ ئه‌م له‌لایێ دین ده‌با

نه‌شته‌ری چاوی حه‌بیبم دێ به‌ سینه‌مدا ده‌چێ
مه‌رهه‌می نازی طه‌بیبم بۆ دڵی خوێنین ده‌با

من وه‌ها مه‌ستی گوڵه‌ندامم که‌ نازانم ئه‌به‌د
هۆشی من دوگمه‌ی ته‌ڵا یا ساعیدی سیمین ده‌با

تا (وه‌فای) له‌و‌ ده‌ره‌ بێت و بچێ مه‌نعی مه‌که‌
سورمه‌یی خاکی ده‌رت بۆ چاوی پڕ ئه‌سرین ده‌با
 



Writing at: 9 / 12 / 1390برچسب:وه‌فـــــایـــــی,شێعر کوردی,Time: By: محمد پیش بینی| |


وەکو نەی کون کونە جەرگم، لە تاو هیجرانی تۆ بۆیە

بە سۆزی نەی دەسوتێم و بە نەغمەی نەی دەناڵێنم

ئه‌مان ئه‌ی موتیبی مه‌جلیس به‌حه‌ققی تاری رووحانیی

بڵا بێ نه‌غمه‌که‌ی سازت، که‌ئاوی ئاوری هیجرانه‌

ئه‌تۆ ئه‌ی رووحه‌که‌م ساقی،ئه‌ی تۆ ئه‌ی عومره‌که‌م موتریب

په‌یاپه‌ی لێده‌ چه‌نگ و نه‌ی، ده‌ماده‌م بێنه‌ په‌یمانه‌

به‌تیری غه‌مزه‌ی بملاوێنه‌وه ‌زوڵم له‌گه‌رده‌ن که‌

به‌سه‌ر هاتومه‌ مه‌یدانت، به‌دڵ بۆت بووم به‌ نیشانه

وەفایی



Writing at: 23 / 11 / 1390برچسب:شێعر کوردی,وەفایی,وەکو نەی کون کونە جەرگم, لە تاو هیجرانی تۆ بۆیە,Time: By: محمد پیش بینی| |



ئەلا ئەی ساقیی مەستان بە حەققی پیری مەیخانە
بە گەردش بێنە جامی مەی بە یادی چاوی جانانە

ئەمان ئەی موتریبی مەجلیس بە حەققی تاری رووحانی
بڵا بێ نەغمەکەی سازت کە ئاوی ئاوری هیجرانە

ئەتۆ ئەی رووحەکەم ساقی، ئەتۆ ئەی عومرەکەم موتریب
پەیاپەی لێدە چەنگ‌ و نەی، دەمادەم بێنە پەیمانە

بە تیری غەمزە بملاوێنەوە زولفم لە گەردەن کە
بە سەر هاتوومە مەیدانت، بە دڵ بۆت بووم بە نیشانە

ئەگەر شەوقی جەمالی تۆ نییە من مەست و حەیرانم
لەبەرچی بۆتە بولبول گوڵ، چرا بۆچ بۆتە پەروانە؟

لە شەوقی تۆیە سەرمەستە، بە زەوقی تۆیە پابەستە
ئەگەر عاریف لە کەعبەی‌دا، ئەگەر کافر لە بوتخانە

لە شیرینی جەمالی تۆیە رۆژی روونی لەیلایە
ئەگەر فەرهادی سەرگەردان، ئەگەر مەجنوونی دێوانە

دەمێکی مەست و بیمارم، دەمێک بێ‌هۆش و هۆشیارم
چ کەس نازانێ دەردی من، مەگەر ئەو چاوە کاڵانە

دە هەر حەڵقێکیدا سەد دڵ، گرفتارە دەناڵێنێ
سەری زولفی پەرێشانت مەگەر زنجیری شاهانە؟

هەناسەی عاشقان با نەدگرێ، بێ مروەتی تا کەی؟
بترسێ ئەی گوڵی نازك‌بەدەن لەو بایی زریانە

ئەگەر زولفت وەکوو من عاشقی رووی تۆ نییە بۆ‌چی
سەراپا تێکچوو، کەوتۆتە بەرپێت،دەست و دامانە؟

ترازا دوگمەکەی سینەی، بەیاری زولفی هات غەمزە
بەیان بەربوو‌ لە لای چین، باخەبەر بن! تیرە بارانە

وەفایی بۆ گوڵێکی سەروباڵا شێت و شەیدایە
وەکوو قومری دەناڵێنێ وەکوو بولبول غەزەل‌خوانە

وه فایی ....
 



Writing at: 10 / 11 / 1390برچسب:وه فایی,شێعر کوردی,ئەلا ئەی ساقیی مەستان بە حەققی پیری مەیخانە,Time: By: محمد پیش بینی| |


وەرە بنــــواڕە بەزمی عالەمــــی دڵ
چ خۆش دەورێکە هۆشـــیاری خراپە
ئەگەرچی ناڵەیە، هەر شەوق وزەوقە
ئەگەرچی گریەیە، عەیــــنی صەوابە
بە ناڵیـــنی دڵی سوتاوی عاشــــق
هەمو هەر نەغمەیی چەنگ و ڕوبابە

(وەفایی)
 



Writing at: 10 / 11 / 1390برچسب:وەفایی,شێعرکوردی,Time: By: محمد پیش بینی| |



فەرموویە کە من پادشەهی حوسنی دڵ‌ئارام

 فەرموویە کە من پادشەهی حوسنی دڵ‌ئارام

خورشید و مەهن ئایینەداری روخی زیبام

فیردەوسی جەمالم بە نیهالی قەدی تووبام

یەعنی بە دوو لەب ساحیبی ئیعجازی مەسیحام

ماچێکی دەمم کافییە بۆ کوشتەیی باڵام

فنجانی دەمت ساغەرە یاقووتی رەوانە،

وەک نەشئی حەیات دولبەری یاقووتی رەوانە!

ئەو چاوە تەبیب و بەڵەدی دەردی دڵانە

عیللەت چییە بۆ من کە حەکیمێکی نەزانە؟

جێی نەشتەری وی ئاگری بەردا دڵ و سووتام

ئەگریجە و پەرچەم مەدەدی نێرگسی کاڵن

فەوجی حەبەشن، لەشکری سوڵتانی جەماڵن

ئارایشی روو، رەونەقی باغی خەت و خاڵن

هەریێکە لەلایێ بە ئومیدی سەر و ماڵن

بەو داوە ئەوی بەستەیە خۆم و دڵی شەیدام

من سائیلی ئاشفتەگیی زولفی دووتا بووم

تێکچوو کە ئەمن عەنبەری تەڕ میشکی خەتا بووم

من هەم‌نەفەس و هەم‌دەمی شاهزادە وو شا بووم

تا دیم گوڵی تۆ عاشقی ئەندامی بەڵا بووم

سەرگەشتە ئەوێستا کە لە دووی گوڵبونی بەڵام

ئەبرۆ و جەبین و روخی بێ‌شیبه و میسالن

تێکەڵ بە گوڵ و یاسەمەن و غەرقی لوئالن

بۆ موڵکی جەمالی کە شەهەنشاهی جەلالن

یا شەمس و قەمەر، قەوس و قوزەح ، بەدر و هیلالن

وا جوملە هەڵاتوون لە گەریبانی گوڵەندام

خەت هاتووە دەوری لەب و رووی داوە لەسەردا

یاخۆ حەبەشی فایەقە داغی لە جگەردا؟

گوڵزاری دەمی پوستە و باغی گوڵی بەردا

یا لەشکەری کێشاوە بزەی شیر و شەکەردا؟

شەڕیانە لەسەر کەعبەیی روو کافر ێسلام

ئەی میشکی خەتایی خەت و خەت جەوهەری کوڵمت!

ئەی سونبولی تەڕ دووکەڵی سەر مەجمەری کوڵمت!

سووتاوە وەفایی لە هەوای ئاگری کوڵمت

سا ئەو دەمە وا بێنە ئەتۆبی و سەری کوڵمت
غەیری ئەوە " باللە " نییە لەو لێوە تەمەننام
حەزرەتی وەفایی

 



Writing at: 3 / 11 / 1390برچسب:حەزرەتی وەفایی, فەرموویە کە من پادشەهی حوسنی دڵ‌ئارام, شێعرکوردی,Time: By: محمد پیش بینی| |


ئەرێ ئەی بە زولف و رووخسار سەنەمی چین ماهتابم
دەمەکە و خەندەکە و نیگاهت نمەک و مەزەی شەرابم
من لەبەر نیگاهت بمرم، تۆ سەر و غەمزەکەی جەلابم
بڵێ پێم گوڵەکەی بەهاری! لە تۆ تا بە کەی جودا بم؟
وەرەوە، بە شەرتی جاران، رۆژی سەد جارت فیدا بم

لە وێرانەی دڵی شێواوم شیوەن و واوەیلا و رٶڕۆ
ئاورێک بەربۆتە هەناوم دێتە دەر لە هەناسەم بۆ سۆ
بوومە ئەفسانەی وڵاتان شار بە شار، ماڵ بە ماڵ، کۆ بە کۆ
خاڵی چاوت، گۆشەی ئەبرۆ، دوو دینیان کردم لەسەر تۆ
یا بمکە پیری مەیخانە، یا موریدی خانەقا بم

تۆ مەلەک و فریشتە و پەری، گوڵدەم و گوڵبەر و دولبەر
لالەڕەنگ و فەڕەنگی چینی، شۆخ و شەنگی، خەتا و بەربەری
نازک و نازەنین و شیرین، ئاوێنە رۆژ، رەنگ ئاگری
لە نێو مەنزەرەی دوودەری خۆشە سەیری مەوجی بەحری
وەرە سەرچاوم عەزیزم، چی دەکەی لە دڵەی کەبابم ؟

ئەو شۆخە بەتای زولفان زنجیری کردم دێوانە
رووحمە، رووحی کێشاوم، رووح نییە لە رووح بێگانە
ئاشکار و دیار و مەخفی، دوور نییە، نەزدیکە، جیرانە
غەرەزم چونکە پەنهانە وەڕەزم لەو جیسم و جانە
مەرەزم مەرگی دەرمانە هەر ئەزم بۆ خۆم حیجابم

عاشق وا دەبێ بە هەموو دەم چاو پڕ ئاو، دڵ بڕوا، مەحزوون
پێی هەوای بشکێی پێی نەمێنێ غەیری هوو لە دەروون و بیروون
خاکی رێی دولبەری وەبزانێ سورمەیە بۆ چاوی پڕ خوون
سەگەکەی رێبازی لەیلێ وەرە سەر دووچاوی مەجنوون
دونیام ئەو رۆژە لێ روونە خاکی بەر پێی ئاشنابم

رووحەکەم رووی خۆت بنوێنە، تا بەکەی کوشتەی نازت بم،
دەمەکەت بە تەکەللوم بێنە تا نەمردووم هەمڕازت بم
جارێک بە کەرەم بمدوێنە من فیدای دەنگ و ئاوازت بم
مەیلی ئەبرۆی تۆ قەت نانێم غەمزەدەی چاوەکەی بازت بم
من کە هاتم قیبلەم گۆڕی، یا خوا کافر بێ جەلابم!

بەزەییت یەر هەبێ یا نەبێ بەندەی باڵاتم، سەد شا بم!
تو خودا دڵم مەشکێنە من کەوا عاشقێکی چا بم
سەرەکەم فیدات عەزیزم وەرە زیز مەبە لەسەر دڵ
سەرە پاییبندی تۆیە، دڵە ماڵی خۆت هەتا بم
بە کەمەندی تۆوە بمرم خۆشترە نە وەک رەها بم

گوتم ئەی شای دڵنەوازان مانگ و رۆژن موشتەری رووت
دڵی چاکی پاک‌بازان پێ بە داوی زولفی جادووت
لە غەمی ویسالی رووی تۆ جگەر و هەناوی من سووت
خۆش بوو ئەو دەمەی گوڵ پشکووت شەکەر دەباری لە یاقووت

لادە لێم وەفایی، دەیگوت تۆ گەدا من شا بۆت نابم

حەزرەتی وەفایی

 






Writing at: 3 / 11 / 1390برچسب:وه فایی,وینه,شێعر کوردی,Time: By: محمد پیش بینی| |



وەفایی
شاعیری گەورەی کورد
وەفایی لە شاری سابڵاغ (مەھاباد) لە ساڵی ١٨٤٤ ز لەدایکبووە. خوێندنی سەرەتایی و بەرنامەی حوجرەی مزگەوتی لە زانستییەکانی ئایینی ئیسلام و زمانی عەرەبی لە مەھاباد تەواو کردووە و ھەر لەوێش مۆڵەتی مەلایەتی وەرگرتووە، بەڵام لەناو خەڵکی بە مەلا نەناسراوە و تەنیا میرزایان پێ وتوە. ھیچ بەڵگەیێک بەدەستەوە نیە مەلایەتی کردبێ، بەڵام قوتابخانەی تایبەتی خۆی ھەبوە و وانەی بە منداڵان وتوە و پێی ژیاوە.

وەفایی فیزی زل بووە، زەکات و سەرفترەی وەرنەگرتووە، موچەی فەقێیاتی نەویستوە.

شێخ عوبەیدوڵڵای نەھری شیعری وەفایی بەدڵ بووە، لەو ڕێگەیەوە ناسیویەتی، خۆشی ویستوە لەبەر ئەوە لێی نزیک بۆتەوە. ماوەیێکی درێژ لای ژیاوە، شیعری بۆ خوێندۆتەوە، سکرتێرییەتی نووسینی بۆ کردووە و کاروباری خوێندەواری بۆ بەڕێوە بردووە.

وەک لە ژیانی شاعیر دەردەکەوێ چوونە حەج لە لای جۆرە ئارەزووێکی لادروست بووە لە وانەیە بەھۆی ھەڵوێستی بەرامبەر ئایین و حەزکردن بەگەشت ئەم ئار‌ەزووەی لا دروست بووبێ.

لەدوا گەشتیدا بۆ سلێمانی لەساڵی ١٩٠٠ ز وا دەردەکەوێ ماوەیێک تێیدا ژیاوە و لەساڵی ١٩٠٢ ز حەجی سێیەمی کردووە. قسەی واش ھەیە لە ساڵی ١٨٩٨ ز لە گەڵ شێخ سەعید حەفید چووە بۆ ئەستەمووڵ و لەوێوە لەگەڵی ڕووی کردۆتە وڵاتی حیجاز.

ھەرچۆنێبێ وەفایی لەگەڵ‌ کاروانی شێخ سەعیدی حەفید و سەید ئەحمەدی خانەقا و شێخ مستەفای شێخ عەبدولسەمەدی قازی و حاجی تۆفیقی پیرەمێرد چوە بۆ حەج، ئەگەر ھەمووشیان لەو کاروانە دا نەبووبن لەڕێگەی گەڕانەوە ئەو کەسانە پێکەوە گەڕاونەتەوە.

لە سارای عەرەبستان لە سەردەمی گەڕانەوەی ئەو حاجیانە وەفایی تووشی نەخۆشی زەحیری دەبێ، مەرگ ماوەی نادا و ئەنجام لەو وڵاتە دوورەدا کۆچی دوایی دەکا و لە ناو لمی بادیەی عێراق یا بیابانی شام لە لایەن ھەواڵەکانییەوە لە ساڵی ١٩٠٢ ز دوور لە نیشتمان بەخاک دەسپێردرێ.

پیرەمێرد دەڵێ: "بەدەستی خۆم لە بیابان وەفاییم ناشتووە."

وەفایی سەردەمی منداڵی و مێردمنداڵی لەمەڵبەندی خۆی مەھاباد بردۆتە سەر. لەم ماوەیەدا خەریکی وەرگرتنی زانستی و زانیاری بووە. لەدوای ئەوە لەجێگەیێک ئۆقرەی نەگرتووە لە ھەکاری وڵاتی شێخ عوبەیدوڵڵای نەھری و شاری سلێمانی ژیاوە. چوونە حەجیشی لەو سەردەمانەدا کاتی زۆری ژیانی شاعیری بۆ خۆی بردووە.


http://ckb.wikipedia.org


Writing at: 1 / 11 / 1390برچسب:وەفایی, شاعیری گەورەی کورد,شێعر,Time: By: محمد پیش بینی| |


صفحه قبل 1 صفحه بعد

About
زمانی کوردی خۆشترین زمانی سه‌ر زه‌وی.. چۆن بنووسرێ وا ده‌خوێندرێته‌وه‌... شانازی ده‌که‌م که‌ زمانی خۆمم هه‌یه‌...
ئاوێنـــــه :POWERED BY
last post
RSS
فرهنگ کردی به فارسی ھەنبانە بۆرینە Hanbana borina
نه‌شئه‌ی پیری
ئـــــــــــــــاوێـــــــــــنـه‌
عـــه‌رز كـــه‌ر وه‌ لـــه‌یـــلا وه‌ صـــه‌د خـــامـــه‌وه‌
چاوی تۆ قیبلەی عەشق و دڵداری
دابه‌زاندنی ئه‌لقه‌ی ۱ تا 93 چێشتی مجێور
وه‌سیه‌تنامه‌که‌ی شێرکۆ بێکەس
شێرکۆ بێکەس
«کوردستانی از زیباترین کلمات»
جــــــاده‌ چۆڵ و سێبه‌ر بوو
روژین پیش بینی
چاوه‌که‌م ئه‌مڕۆ له‌گوڵشه‌ن، گوڵ به‌ عیشوه‌ خۆی نواند
کولکه زێرینه
کولکه زێرینه
نه‌ورۆز
نەورۆز لە شیعری شاعرانی کورد
هـــــه‌ی شه‌می شــه‌وان
دڵى وام ناوێ
عادەتى ئەم چەرخە وایە، ئەهلى دڵ غەمگین ئەکا
بوکه باغانه
لەسەر ڕووت کازیبەی زولفت وەلابە
و صلى الله على ئەو بەحری نووری عیلم و عیرفانە
Abdulla Pashew
خـــەت و خـــاڵا و زولف و برژۆڵ لــــــەنزیک چـــــــاوی مەستە
لـێ یــان پـرســیــم بـیــری ئــەکــەیـت وەڵامــم نــەدایــەوەو ڕۆشــتـم دواتــر لــە بــەر خــۆمــە
چـاو مــه‌ســتـه‌ ده‌ هــه‌سـتــه‌ بــێــره‌ لام خــونـچـه‌ گـوڵـــم
سازی ئاواره‌
خانمه‌ موزیكژه‌نی كورد تارا جاف
مردن گوليكه هه رده م بونداره بو بون كردني گشت كه س به شداره
شێرکۆ بێکه‌س
خۆزگه‌ باران ده‌يزانی، باڵنده‌ كراسی زياده‌ی بۆ گۆڕين نييە.
هۆنراوەیک لە حەزرەتی وەفایی
وەفایی
شعر پاییز
این کهنه رباط را که عالم نام است
شه‌وگاری ته‌نیایی
کاتێک بینیم گەڵاکان زەردەبن و هەڵدەوەرن ...
چاوه‌که‌م زانیوته‌ بۆچی خه‌و له‌ چاوم ناکه‌وێ
هەمیشە وەک نێرگز خۆت دەربخە
جه‌ژنی سالیادی له دایک بونی رۆژین
دوو چاوم خوێن ئه‌بارێنێ له‌ عه‌شقی ڕوومه‌تی ئاڵت
خونچە دڵ بونم لەحەسرت لێــــــــوی تــۆیە، غونچە دەم..!
ئەلائەی نازەنینی شۆخی شۆخان
زۆر لـه مێـژه لـێڵ بوه چاوی دڵم له م شاره دا
گه‌یشتوم بە هەستی گه‌ڵایه‌ک کە ئه‌زانێ با لە هەر لایه‌که‌وە بێت کۆتاییەکەی هەر که‌وتنه
هەڵبەستی دەروون
Daily Links
Blog Links
Blog Archive
Blog Authors
Other Tools

Copyright © 2012 All Rights Reserved by awenakurd.loxblog.com - Des By : M.Pishbini**ئاوێنـــــه**